अस्पताल पहुँचल महिला
जिला सीतामढ़ी, प्रखण्ड रीगा, पंचायत सिरौली प्रथम, गांव कपरौल, वार्ड नम्बर गयारह अउर बारह। यहाँ के के बीच वाला नाली दु साल से जाम हई। पानी जाम होय के कारण लोग के आवे-जाये मे दिक्कत होई छई। जेइमे तोहरा खातुन 16 फरबरी 2013 के सुबह मे नाली मे गीर गेलथिन ,जेइमे उनकर घुटना के हडी टूट गेलई। अभी तक इलाज डॉक्टर आर के प्रकाशमे चल रहल हई।
उहां के ग्रामिण मोहमद इस्लाम अंसारी ,हैदर अंसारी फरमुदीन अंसारी लगभग बीस लोग कहलथिन कि इहां अल्ली शेख साहब के घर से लेके कपरैाल बाजार नाथ ठाकुर के घर तक नाली दु साल से जाम हई। महक से हमरा सबके स्वास्थ्य पर असर परइ छई। इ रास्ता मेन हई ,रात- दिन पानी हेल के आबे-जाये मे दिक्कत होइछई। तोहरा खातुन कहलथिन कि हम 16 फरबरी के जाये काल मे गीर गेली अउर घुटना के हडी टुट गेल। अगर पानी जाम न रहतियई त इ घटना न होइतियई। अभी तक इलाज चल रहल हई।
मुखिया पवन कुमार कहलथिन कि इ नाली अउर सड़क प्रधान मंत्री ग्रामिण सड़क निर्माण योजना से हई। हम लिखके आवेदन भेजले छी अभी सूचना न आयल हई। अंचल पदाधिकारी अरूण कुमार कहलथिन कि उ लोग आवेदन लिखके हमरा पास देथिन तब न जांच करवाके काम आगे बढायल जतई।