नाम बदलै से नाय मिलत लाभ

जिला अम्बेडकर नगर, ब्लाक कटेहरी, गांव खजूरडीह। हिंआ समाजवादी पेंषन योजना कै लाभ मनइन का नाय मिलत बाय। यही से 2 दिसम्बर का तहसील दिवस मा मांग पत्र सौंपिन।
गांव  कै कलावती, मनोजा देवी, भगनादेवी बताइन कि एक साल से ज्यादा होइगै। हमरे सबका पेंषन नाय मिलत बाय। पहिले महामाया पेंषन योजना के तहत हर महीना चार सौ रुपया मिलत रहा। वकरे बाद रानी लक्ष्मी बाई पेंषन योजना चला। यकरे तहत पेंषन मिलत रहा। अब समाजवादी पेंषन योजना चलि गै बाय। एक साल होइगै कउनौ पेंषन नाय मिलत बाय। हमरे सब गरीब मनई कै इहै एक सहारा रहा। जउने से घर कै खर्चा चल जात रहा।
मनोजा देवी बताइन कि विधवा हई छोट-छोट तीन बच्चै हईन। केकरे कमाई से खर्चा चलै उहै पेंषन सहारा रहा उहौ टूट गै। मनई के पेंषन नाय बढ़उतिन सिर्फ यौजना कै नाम बदलाथिन। जउने सरकार कै राज आये वै अपने हिसाब से नाम बदलाथिन लकिन काम कुछ नाय बदलत। अगर काम का बदला जात तौ षायद हमरे सबका आज ई न झेलै का परत। सबका पेंषन योजना कै लाभ मिलै यही से मंाग पत्र तहसील दिवस मा सौपिन।
बी.डी.ओ. प्रदीप कुमार श्रीवास्तव बताइन कि समाजवादी पेंषन योजना कै सत्यापन होइगै बाय। हर ग्राम पंचायत मा चस्पा लाग रहा। सब आपन आपन नाम देख लियै। जउने पात्र मनई कै नाम न हुवय वै बतावंै उनकै नाम जोड़ा जाये। जे अपात्र होये उनकै जांच कराय के नाम कटाय दीन जाये।