नहीं मिला पोलियो ड्राप पिलावैं का रुपिया

जिला चित्रकूट, ब्लाक रामनगर, कस्बा रामनगर, गांव बरिया,पुरवा डड़िया। हिंया के आंगनबाड़ी संगीता अउर अनीता आरोप लगावत बताइन कि सितम्बर के महीना मा पोलियो पिलाये रहेन। जबै से अबै तक मा छह दरकी पोलियो पिलावैं का रुपिया नहीं मिला आय। यहिसे रामनगर सामुदायिक सवास्थ्य केन्द्र के डाक्टर गिरीश कुमार पाण्डेय से 6 जून का कहा गा, पै अबै तक रुपिया नहीं मिला आय।
आंगनबाड़ी का कहब हवै कि एक दिन मा पचहत्र रूपिया मिलत हवै। हम दिन भर गांव मा घूम के बच्चन का पोलियो पिलाइत हन। एक दिन मा मजूरन का तौ दुइ सौ रूपिया मिलत, पै हम पचहत्तर रूपिया मा घूम के घर घर जा के पोलिया के दवाई पिलाइत हन, पै यहिके बादौ येत्ती मेहनत करैं के बादौ रुपिया अबै तक नहीं मिला आय। अपने घर का काम दोड़ के सरकार के डियूटी करित हन,पै सरकार हमरे खातिर कुछो नहीं सोचत हवै। अगर हमार रुपिया मिल जात तौ थोइ सहार होइ जात।
रामनगर सामुदायिक स्वास्थ्य केन्द्र के डाक्टर गिरीश कुमार पाण्डेय का कहब हवै कि सबै आंगनबाड़ी अउर आशा बहू के लिस्ट बना के सरकार के हिंया भेज दीन गा हवै। जबै सरकार कइती से रुपिया आ जई तौ उनके खाता मा भेज दीन जई।