नहीं देत हिस्सा

किशन बतावत समस्या

जिला बांदा़, ब्लाक बड़ोखर खुर्द, गांव भुरेड़ी, मजरा चिलेहटा। हेंया के किशन का मनसवा दुई साल पहिले खतम होई गा रहै। तबै से वहिके ससुराल वाले किशन का हिस्सा नहीं देत। उंई घर से निकारै के धमकी देत है।
किशन बतावत है कि मनसवा के खतम होय के बाद दुई बिगहा जमीन मोर नाम आ गे है। वहै जमीन से मैं आपन खर्च चलावत हौं। मोरे एकौ लड़का बच्चा भी निहाय। मोर देवर ,जेठ गाली गलौज करत है। मोरे उपर जमीन छोड़ावैं का दबाव बनावत हैं। कहत हंै कि तोरे बच्चा निहाय। या मारे हिस्सा भी न मिली अउर जान से मारै के धमकी देत है। यहिसे मैं आपन बाप का राखे हौं कि उंई मोहिका रात बिरात कतौ मारैं न लागै। अगर ज्यादा परेशान करिहंै तौ उनके खिलाफ रपट लिखइहौं।
जेठ मुन्ना, बिल्लू कहत है कि हम वहिके रहै का अलग घर दीने हन। हमका वहिसे कउनौ मतलब निहाय।