नवासी हजार रुपिया लइके चोर फरार

जिला चित्रकूट, ब्लाक मऊ, कस्बा बरगढ़, कोलमजरा रेलवे स्टेशन। हिंया कि अमित बलुआ नाम के मड़ई का आरोप हवै कि 1 दिसंबर का मऊ मोटर साइकिल से जात रहौं। वहै समय दुइ पहिया पल्सर गाड़ी से तीन लोग आय अउर मोहिसे नवासी हजार रुपिया छोड़ा के लइगंे हवैं। यहिके रपट बरगढ़ थाना मा लिखाइगे, पै अबै तक चोरन का कउनौ पता नहीं लाग हवै।
अमित बलुआ का कहब हवै कि मोर बाप बीमार होइगा रहै। यहिसे मऊ मा सोनार के लगे जेवर गहन धइ के अपने बाप का इलाज कराये रहौं। यहिसे सोनार के लगे मऊ नवासी हजार रुपिया लइके मोटर साइकिल से जात रहौं। रास्ता मा दुइ पहिया पल्सर गाड़ी से तीन मड़ई आय अउर मोरे छाती मा कट्टा लगा दिहिन कउर कहिन कि जउन रुपिया लीने हवै। वा रुपिया हमका दइ देव नहीं तौ जान से मार दीन जई।
येत्ता कहिके उंई जबरन नवासी हजार रुपिया छोड़ा लइगें। बहुतै मेहनत से एक-एक रुपिया इकट्ठा कीने रहौं। अब रुपिया कसत मिली। यहिसे मोर रात के नींद अउर दिन का चैन हेरा गा हवै।
बरगढ़ थाना के बड़े दरोगा संतशराण संह से या मामला का लइके बात कीन गे। उंई कहिन कि  अज्ञात मा रपट लिख लीन गे हवै। धारा 392 (लूट करै खातिर सजा) अउर अपराध संख्या 262 हवै। पुलिस चोरन का ढूढ़ै के कोशिश मा लाग हवै।