वोटरन की राह देखत एस.डी.एम. ओर सी.ओ.
महोबा जिला पंचायत अध्यक्ष अंशू शिवहरे खा पद सम्भालें तीन साल हो गये हंे। जीमे लगभग एक महीना पेहले कछू सदस्यन ने जिला पंचायत अध्यक्ष अंशू शिवहरे के अविश्वास ज्ञापन डी.एम. वीरेश्वर सिंह खा दओ हतो। जीखे कारन जिला पंचायत कार्यालय में हलचल मची हती, ओर कुर्सी छिने की बात महोबा के आदमियन में होत हती। जीखा दुबारा से मतदान के लाने 22 अक्टूबर 2014 खा चुनी गई हती।
22 अक्टूबर खा चुनी मतदान तारीख धड़ाम बोल गई। जिला पंचायत कार्यालय में सुबह से तैनात पुलिस ओर अधिकारी मतदान कराये खे लाने सदस्यन की गली देखत रहे, पे जिला पंचायत को कोनऊ सदस्य कार्यालय नई पोंहचो। सब अधिकारी दोपहर के बाद अपने कार्यालय लौट आये। ई बात से अभे भी आदमियन के मन में ई बात घर करत हे कि आखिर का बात हे जोन एकऊ सदस्य एते वोट डारन नई आओ हे।