जिला महोबा, ब्लाक जैतपुर, कस्बा जैतपुर, बजरिया मोहल्ला। गर्मी शुरू नई के बिजली गायब कछु एसी समस्या से जूझत हें आदमी।
एते के रहे वाली रानी, आशा ओर सीताराम ने बताओ कि गर्मी तो अभे शुरू भई हे, पे लाइट अभई से गोल रहत हें। लोगन ने बताओ लाइट न होय से सई से सो नई पाउत हे। बच्चन खें परीक्षा भी चलत जीसे ऊ पढ़ाई भी नई कर पाउत हें। लाइट न रहें के कारन पानी की परेशानी भी उठाउने परत हे। काये से मोटर नई चल पाउत आए। जीसे हमें हैण्डपम्प से पानी भरने पऱत हे। पता नइयां अभई से इत्ती लाइट की कटौती काये करी जात हे। ई बात हमने प्रधान से भी कही हे।
प्रधान हरिमोहन ने बताओ कि मेने ईखी दरखास महोबा बिजली विभाग में एक्सीयन खां दई हे।
जैतपुर बिजली विभाग के उपखण्ड विकास अधिकारी आर.पी. साहू ने बताओ कि छह घण्टे लाइट की कटौती नियम से चलत हे। जो बिजली की कटौती होत हे ऊ ऊपर से करी जात हे।