धंसा परा हैण्डपम्प का ठीहा

जिला बांदा, ब्लाक नरैनी, ग्राम पंचायत जमवारा, मजरा सकरिहा पुरवा। हेंया के दलित बस्ती मा लगभग बीस साल पुरान हैण्डपम्प है। जेहिका ठीहा नीचे धंस गा है। गांव के मड़ई गुठुवन से कादौं मा हइल के पानी भरत हैं।
गांव के तुलसी अउर सावित्री बतावत हैं कि या हैण्डपम्प से लगभग तीस घरन का निस्तार होत है। अब तीन साल होइगे ठीहा टूट के नीचे धंस गा है। यहिसे हैण्डपम्प के अइत कइत बारह महीना गुठुवन से पानी अउर कादौं मचा रहत है। कइयौ दरकी प्रधान से ठीहा बनै के मांग कीन, पै कउनौ सुनाई निहाय। हम गरीब अउर दलित जाति के मड़ई हन तौ प्रधान हमार सुनत भी निहाय।
पंचायत मित्र राधेश्याम कहत है कि ठीहा जल निगम विभाग से बनत है, पै रिपेरिंग का रूपिया प्रधान के पास आवत है। वहिसे ठीहा बनवावैं खातिर प्रधान से कहा भी गा है, पै वा नहीं सुनत आय। अगर ठीहा बन जाय तौ मड़इन का आराम होई जाय।