खबर लहरिया ताजा खबरें दो किसानन की मोत

दो किसानन की मोत

kisan maut khabar taja seजिला महोबा, ब्लाक जैतपुर ओर चरखारी के अलग-अलग गांवन में दो किसानन की मोत हो गई हे। ईखी सूचना राजस्व विभाग में दई हे। परिवार में दुख को माहौल बनो हे। गांव कमालपुरा को मजरा अतरपठा के किसान गयादीन की मोत 27 दिसंबर खा खेत मे पानी लगाउत समय हो गई हती।
गयादीन को नाती उत्तम बताउत हे की हम दलित जाति हे। बाबा के नाम छह बीघा जमीन हे। 27 दिसंबर खा रात में अपने खेत में कुंआ के पानी से खेत की सिंचाई करत हतो। तभई ठण्डी ज्यादा लागे से खेत मे गिर गओ। एम्बूलेंस में बाबा गयादीन खा लेके जिला अस्पताल जात हते। तभई रास्ते में मोत हो गई। लेखपाल जांच करन आओ हतो। लेखपाल श्रीनन्दन कहत हे की मौके में जांच करन गओ हतो। रिर्पोट बना के तहसील में भेज दई हे। एसई ब्लाक चरखरी, गांव गौरहारी, के किसान लक्ष्मी प्रसाद पुत्र पंचा पाल की 28 दिसंबर खा फसल के सदमा से मोत हो गई हे। लक्ष्मी प्रसाद को छोट भाई बताउत हे की हम तीन भाई हे, दो एकड़ जमीन हे। लक्ष्मी प्रसाद के नाम गुढा गांव के इलाहाबाद बैंक में सत्तर हजार ओर गांव में लगभग सत्तर हजार रूपइया कर्जा हे। ऊखे पांच बिटिया ओर एक लड़का हे। खेत में बोओ आनाज नई जामो ओर कछू अन्ना जानवरन ने खा लओ। 27 दिसंबर खा खेत से वापस आओ ओर कहन लगो की सिर दर्द होत हे। गांव के डाक्टर से ढवाई कराई। हालत खराब हो गई। एम्बूलेंस खा फोन करो थोई देर में मोत हो गई। चरखारी एस.डीएम. जयवीर यदुवंषी कहत हे ईखी जानकारी मिली हे। ऊखे परिवार खा तीस हजार रूपइया परिवारिक लाभ मिलहे