कृष्णा ओर कल्ली
जिला महोबा, ब्लाक पनवाड़ी, कस्बा पनवाड़ी। बाबू तालाब के एते रहे वाले फुल्ली ने अपनी भौजाई कल्ली के साथे 8 अगस्त खा गाली-गलौज ओर मारपीट करी हे। कल्ली ने ईखी रिपोर्ट पनवाड़ी थाने में 8 अगस्त 2014 खा करी हे।
कल्ली ने बताओ के मोओ आदमी सूरज मजदूरी करंे गओ हतो। घर में बच्चा ओर में अकेले हते। तभई लगभग साढ़े बारह बजे दोपहर खे देवर फुल्ली दारू पीके आओ ओर मोये साथे गाली-गलौज ओर मारपीट करन लगो। मोये बचाउन आये बच्चन के साथे भी मारपीट करी हे। फुल्ली ने मारपीट करें खे बाद मोई ओर आदमी सूरज खे नाम से उल्टी रिपोर्ट पनवाड़ी थाने में कर दई। तो पुलिस आई ओर मोये आदमी खा पकर के ले गई। जीसे मोये बच्चा ओर में बोहतई परेशान हें। डर हे कि फुल्ली अकेले जान खे दुबारा हमाये साथे मारपीट न करे। एई से जेठानी कृष्णा साथे थाना आई हों।
फुल्ली ने बताओ कि मेंने पेहले से कल्ली खा नई मारो हे। कल्ली मोये गाली-गलौज करत हती। तभई मेंने ऊखे मारो हे।
पनवाड़ी थाने एस.आई केशरी सिंह ने बताओ के धारा 323 (मारपीट) 504 (गाली-गलौज) 506 (जान से मारने की धमकी) के तहत मुकदमा लिख के 9 अगस्त खा सूरज खा जेल भेज दओ हे।