जिला महोबा, ब्लाक जैतपुर, कस्बा कुलपहाड़, समुदायिक स्वास्थ्य केन्द्र में डाक्टरन की लापरवही के कारन मारीज दवाई करायें खे लाने एते ओते भटकट फिरत रहत हे। अस्पताल कम्पाउडर के सहारे चलत हे।
कस्बा के रहे वाले मुकिम बताउत हे कि में 8 जून खा सुबेरे 10 बजे दवाई कराउन गओ हतो। 12 बजे तक एकऊ डाक्टर नई आये हे। कम्पाउडर से दवाई लेके जाने परत हे। हम गरीब आदमी सोचत हे कि सरकारी अस्पतताल मे इलाज सही ओर फ्री हो जेहे, डाक्टर नई रहत हे। फुलिया ओर गिरजारानी बताउत हे कि हमाये बिटियन के फुडि़या फुंसी हे। जीखे इलाज के लाने अस्पताल में डाक्टर को आसरा लगाये बेठ हे। एसी गर्मी में बार-बार प्यास लगत हे। हैण्डपम्प हे तो गन्दगी मे लगो हे। पानी भी नई निकरत हे।
कुलपहाड़ अधिक्षक अम्रिश कुमार राजपूत ने बताओ कि मई के महिना में दो डाक्टर ट्रान्सफर चले गये हे। हम दो लोग हे। मरीजन के अलावा भी आॅफिस में केऊ तान के काम लग जात हे। जीसे परेशानी होत हे। हमने डाक्टरन की मांगकरी हे।