खबर लहरिया ताजा खबरें दु दिन के मनायल गेल सीतामढ़ी महोत्सव

दु दिन के मनायल गेल सीतामढ़ी महोत्सव

ud

उद्घाटन करईत डीएम

जिला सीतामढ़ी, प्रखण्ड डुमरा के स्टेडियम मैदान में 31 जनवरी 2014 से 01 फरवरी 2014 तक सीतामढ़ी महोत्सव मनायल गेलई। जेई में विभिन्न विभाग से चालिसगो स्टॉल लागल रहई। जेकर उद्घाटन जिला पदाधिकारी डॉक्टर प्रतिमा एस. वर्मा अउर अल्पसंख्यक कल्याण मंत्री शाहिद अल्ली खाँ कलथिन।
पूर्व पर्यटन मंत्री सह नगर विधायक सुनिल कुमार पिंटु कहलथिन कि सीतामढ़ी महोत्सव जानकी नवमी के अवसर पर होय वाला कार्यक्रम रहई। एई बेर देरी से मनायल गेलईय। अब वर्ष 2015 में जानकी नवमी के दिन ही मनावे के अनुरोध करब। डी.एम. डॉक्टर प्रतिमा वर्मा कहलथिन कि इ पर्यटन विभाग अउर जिला प्रशासन के सहयोग से होलईय। सीतामढ़ी के रामायण सर्किट से जोड़ के सब तरह से विकास हो रहल हई। एई मैका पर नृत्यांगना सीतामढ़ी के बेटी पल्लवी विश्वास के नृत्य से ऐई में उपस्थित सब लोग मोहित हो गेलथिन। सीतामढ़ी विधायक रंजू गीता कहलथिन कि तीनगो विधायक महिला, चैथा में जिला अधिकारी भी महिला ही छथिन। चारों महिला के सहयोग से जगत जननी माँ जनकी की धरती पर विकास के पहिया तेजी से चल रहल हई। ऐई कार्यक्रम में विभिन्न जिला के लोग आके  पदर्शनी लगलथिन।