दुसरी किस्त बिना अधूरे पर हेे इन्द्रा आवास

जिला महोबा, ब्लाक पनवाडी, गांव बहादुरपुरा। एते के लोगन को आरोप हे की एक साल पहले के आय इन्दरा आवास अभे तक अधूरे परे हे। अभे तक दूसर किस्त नईं आई हे।
राजाराम लीला चेतराम अहिरवार बताउत हे की हमाये नाम एक साल पेहले इन्दरा आवास पास भये हते। जीखी एक किस्त को रूपइया आ गओ हे। हमाई कालोनी अधूरी बनी परी हे। हमने प्रधान ओर सचिव से केऊ दइयां कहो हे। कहत हते की बजट खत्म हो गओ हे। जभे बजट आहे तो दूसर किस्त आहे ओर छत डर जेहे।
हम लोग ओई अधुरे आवास में तीन जानवर ओर परिवार सहित रहत हे। जीसे ठण्डी़ में बोहतई पेरशानी भई हे। हमाई कालोनी को रूपइया अभे तक नईं आओ हे। हम गरीब आदमी एते ओते भटकत हे। सोचत हे की अगर रूपइया आ जाये तो पूरो घर बन जाये।
बी.डी.ओ. प्रदीप पाण्डेयकहत हे की बजट न होंय के कारन काम रूको हतो। अब अप्रैल को नओ बजट आहे। जीमें सब लोगन खा पैसा दओ जेहे ओर कालोनी में काम कराओ जेहे।

रिपोर्टर: सुरेखा राजपूत