खबर लहरिया चित्रकूट दुबारा भा चुनाव

दुबारा भा चुनाव

DSCN1569जिला चित्रकूट, ब्लाक पहाड़ी। हिंया 4 जून 2014 का ब्लाक प्रमुख का चुनाव भा हवैं। जेहिमा नये उम्मीदवार सुमन अउर पूर्व ब्लाक प्रमुख उम्मीदवार शकुन्तला इं दूनौ ब्लाक प्रमुख का चुनाव लड़ी हवैं। सुमन देवी 20 वोट से जीत हासिल करिस हवै। जेहिमा कुल क्षेत्र पंचायत सदस्य 84 हवैं। यहिमा तौ पचास वोट सुमन देवी का मिली अउर तीस वोट शकुन्तला का मिली हवै।
पूर्व ब्लाक प्रमुख शकुन्तला के मनसवा गयाप्रसाद का कहब हवै कि पहिली दरकी जबै चुनाव भा रहै तौ शकुन्तला जीती रहै। तीन बरस से मोर मेहरिया शकुन्तला देवी ब्लाक प्रमुख का कार्य संभालिस हवै। यहिके बाद कुछ क्षेत्र पंचायत सदस्य शकुन्तला के ऊपर आपत्ति दायर कइ दिहिन। या कारन दुबारा चुनाव भा। पूर्व बी.डी.ओ. देवेेन्द्र शुक्ला अउर जेई सिद्दीकी इं दूनौ मिलके दुइ करोड़ रूपिया का काम निकारिन रहै अउर कुछ गांव मा सी.सी. सड़क बनवावत रहैं। यहै से हम जांच करवा दीने हन तौ इं मोर खिलाफ सदस्यन से मिलके हाई कोर्ट मा आपत्ति दायर करवा दिहिन हवंै।
बूढ़ा सेमरवार गांव के क्षेत्र पंचायत सदस्य वार्ड नौ के अनीता, दरसेड़ा गांव के वार्ड नम्बर छह के अभिमन्यु का कहब हवै कि पूर्व ब्लाक प्रमुख शकुन्तला सदस्यन का कत्तौ मीटिंग मा नहीं पूंछत रहै। न विकास करावत रहै। जबै कि तीन महीना मा क्षेत्र पंचायत सदस्यन के मीटिंग होय का चाही। या कारन हाई कोर्ट मा आपत्ति दायर करैं का परा। अब ब्लाक प्रमुख हमरे मन का विकास करी। सुमन देवी ब्लाक प्रमुख बसपा पार्टी के हवै।