दुई लड़कियन के साथै बलात्कार

जिला बांदा, थाना क्षेत्र अतर्रा अउर तिंदवारी। 23 अउर 24 दिसंबर 2014 का दुई लड़किन के साथै बलात्कार होय का मामला सउहें आवा है। पुलिस बलात्कार के आरोपित मनसवन का जेल भेज दिहिस है।
अतर्रा क्षेत्र के एक गांव का एक मनसवा बताइस-“23 दिसंबर का मोर इक्कीस साल के लड़की घर मा अकेले रहै। मोरे बड़े भाई का अट्ठाइस साल का लड़का सन्तू घर मा घुस के बलात्कार करिस। मैं अतर्रा थाना मा सन्तू के खिलाफ रपट लिखाये हौं।”
अतर्रा थाना के मुंशी सत्यदेव बताइन कि सन्तू के खिलाफ मुकदमा लिख गा है। मुकदमा संख्या 272/2014 है। मुकदमा मा घर मा घुसैं के धारा 457 अउर बलात्कार के धारा 376 लाग है। 24 दिसंबर का सन्तू का जेल भेज दीन गा है।
तिंदवारी थाना क्षेत्र के एक गांव के एक औरत बताइस-“मैं 30 दिंसबर 2014 का पचीस साल के चुनमुन के खिलाफ रपट लिखाये हौं। काहे से वा मोरे सोलह साल के लड़की का 24 दिसंबर का बहला फुसला के लइगा रहै। 30 दिसंबर का लड़की घर लउटी है।”
तिंदवारी थाना का एस.ओ. अजय कुमार कहिन कि चुनमुन के खिलाफ धारा 363 अपहरण 366 बहला फुसला के, 376 बलात्कार, 506 जान से मारैं के धमकी अउर 6 पास्को अधिनियम 2012 के तहत मुकदमा लिख गा है। मुकदमा संख्या 182ध्2014 है। चुनमुन का जेल भेज दीन गा है।