दुई बजे के बाद लाग जाथै ताला

जिला फैजाबाद, ब्लाक मया। सामुदायिक स्वास्थ्य केन्द्र कै मेनगेट दुई बजे के बाद बन्द होय जाथै। जेसे प्रसव पीडि़त मेहरारून का पीछे झाल झंखाड़ से होइके जाए का पराथै।
हल्दी गंाव के गीता चैहान पति बलराम अउर मिथलेश पति मुकेश बताइन कि दुई बजे के बाद आवा तौ मेनगेट मा ताला लाग मिलाथै। पीछे से घूमके नाली परकी जाए का पराथै। रास्ता सकरा अउर बड़ी-बड़ी घास पानी से भरा बाय। डर लाग रहाथै जहरीला जानवर न काटि लियै।
मयाभीखी कै आशा कार्यकत्री विमलेश बताइन कि प्रसव पीडि़त या वइसे कउनौ मरीज अहैं तौ उनका स्टचेर पै भी नाय लै जातिन। स्टाप कहाथिन कि कउनौ सामान हेराय जाये तौ के जिम्मेदार होये। सामुदायिक स्वास्थ्य केन्द्र कै अधीक्षक ए.के. सिंह बताइन कि सारा सामान वही रखा बाय । अबहीं कउनौ चैकीदार नाय बाटिन यही से मेनगेट बन्द रखा जाथै। जल्दी हम पीछे वाला रास्ता पै खड़ण्जा लगवाय दियब।