दुइ जून खाये का तरसत

जिला चित्रकूट, ब्लाक रामनगर, कस्बा राजापुर, वार्ड नम्बर आठ। हिंया के रानी पांच बरस से रानी लक्ष्मी बाई योजना के तहत मिलै वाले चार सौ रूपिया खातिर परेषान हवै। यहिके खातिर कइयौ दरकी टाउन एरिया मा कहा गा, पै कउनौ ध्यान नहीं दीन गा।
राजापुर टाउन एरिया के अवनीष बाबू का कहब हवै कि अबै आधार कार्ड बनत हवै। यहिके बाद कउनौ दूसर काम होइ।
रानी का कहब हवै कि मेहनत मजूरी कइके बच्चन का पेट भरत हौं। इनतान के महंगाई मा दूनौ जून पेट भर खाये का नहीं मिलत आय। या कारन सोचत हौं कि अगर रानी लक्ष्मीबाई योजना के तहत चार सौ रूपिया मिलै लागै तौ थोइ तौ सहारा होइ जाये।
गरीबन का कउनौ योजना का लाभ काहे नहीं मिल पावत हवै। पता नहीं कि हम जइसे न जाने केत्ते गरीब मड़ई या योजना का लाभ लें खातिर परेशान रहत हवैं।