दुआबा क्षेत्र विकास से हजारन कोश दुर

जिला बांदा, ब्लाक नरैनी। हेया का दुदाबा क्षेत्र नदियन अउर पहडन के बीच घिरा बीहड इलाका है। हेंया विकास के बहुतै कमी है। अगर रात-बिरात कउनौ बीमार होई जाय तौ अस्पताल पहुंचब मुश्किल है, पै वा क्षेत्र के कउनौ अधिकारी ध्यान नहीं देत आय।
महेश प्रसाद निषाद राम किशोर अउर कमलेश बताइन कि नरैनी से कालिंजर मार्ग मा बरछा से शाहपाटन, गोपरा अउर शहिबाजपुर मार्ग मा नदी का पुल न होय के कारन नरैनी बाजार करैं आवैं अउर बीमार लोगन का अस्पताल लइ जाय खातिर पचीस किलो मीटर घुम के जात हन। दूसर बात एक पुल के कमी से दुआबा क्षेत्र के एक दर्जन गांव का विकास रूका है। साथ ही साथ स्कूल जाय वाले बच्चा भी शिक्षा से वंचित हैं। या नदी मा पुल बन जाय तौ दुआबा क्षेत्र जउन विकास अउर शिक्षा से अंधकार माडुबा है। व प्रकास के तरप जा सकत है। सेतू निर्माण विभाग के एकउन्टटे का कहब है कि पुल बनावैं खातिर कउनौ दरखास नहीं आई आय।