दिहिन प्रशिक्षण

जिला चित्रकूट, ब्लाक मऊ। हिंया तेइस गांव के सोशल आडिट टीम का 16 सितम्बर 2013 का प्रशिक्षण दीनगा। प्रशिक्षण दें का उद्देश्य हवै कि या टीम प्रधान के काम के देखभाल करी। या प्रशिक्षण मा लगभग डेढ़ सौ मड़ई शामिल रहै ।
कोलमजरा गांव के राजेश, सुरेन्द्र चंदई गांव के विमला समेत बीस लोगन का कहब हवै कि प्रधान के काम का देखै खातिर सर्वे होय का चाही। मनरेगा के तहत केत्ती मजूरी मिलत हवै। जाब कार्ड हवै या नहीं मजूरी समय से मिलत हवै या नहीं। मनरेगा मा मजूरन का पानी पियावैं अउर मेहरिया मजूर के छोट बच्चा खिलावैं खातिर दाई हवै या नहीं। यहिके मांग लखनऊ मा ण्क बरस पहिले कीन गे रहै। यहै से या प्रशिक्षण दीन गा हवै।
प्रशिक्षण दें वाले ओम प्रकाश का हब हवै कि मजूरी एक सौ बयालिस रुपिया। बी. पी.एल सूची वालेन का कालोनी मिलै। यहै से सर्वे का फार्म भरावा जई।