दिन दहाड़े कुल्हाड़ी मार के करी हत्या

अजय को परिवार

जिला महोबा, ब्लाक कबरई, गांव कौहारी। एते 15 फरवरी 2015 खा हुकम सिंह (पुत्र नत्थू सिंह) ने कुल्हाड़ी मार के 18 साल के अजय (पुत्र केशरी नाई) की हत्या कर दई हे। सूचना कबरई थाना में मिलत ही मौके मे पुलिस पोहोच हुकम सिंह खा पकर जेल भेज दओ हे।
अजय के बाप केशरी ने बताओ कि में मुस्करा गांव में मकान बनावाउत हतो। बाकी आदमी शादी में गये हते। शाम खे अजय दुकान से घर आउत हतो। हुकम सिंह गाली गलौज करन लगो ओर कहो कि एते न आओ करे हाथ में लये कुल्हाड़ी सिर मे मार दई। जीसे अजय की मौके मे मौत हो गई।
कबरई थाना के एस.ओ. रमेश कुमार पटेल ने बताओ कि धारा 302 (हत्या) के तहत मुकदमा लिख गया हे।