दाल के डेग मा गिरा गेदहरा

जिला फैजाबाद, ब्लाक मया, गांव परसपुर गौहनिया प्राथमिक विद्यालय। हिंआ 21 सितम्बर 2014 का टीचर के लापरवाही से दाल के डेग मा छह साल कै गेदहरा आकाश  वर्मा गिरगै। जेसे वकै आधा अंग जरिगै। आकाष कै पिता हदयराम वर्मा बताइन कि हमैं संदेष मिला तौ वकै एक जोड़ी कपड़ा लइके गोशाईगंज डाक्टर आर.पी. सिंह के हिंआ चला। जब हम अपने बेटवा का देखेन तौ हमार होष उडि़गै। लकिन हमार स्थित यतना ठीक नाय बाय कि हम दवा कराय सकी। स्कूल कै मास्टर दवाई करावत हईन। रसोइया नीलम द्विवेदी, लालपती, मालती, रामरूप बताइन कि हम सब खाना रसोइघर मा रखे रहेन। चावल निकाल के दियत रहेन तब तक गेदहरै घरमा ले घुस आइन। पानी बरसत रहा कउनौ गेदहरा पीछे से धक्का मार दिहिस। गेदहरा दाल के पतीला मा गिर गै। आकाश  के साथे पढ़ै वाले गेदहरै षिवा, ज्योती, राजू, सीमा बताइन कि पानी बरसै के कारण लाइन से बैठावा नाय गै रहा। हेडमास्टर कमलेन्द्र सिंह बताइन कि हिंआ पै कउनौ गेदहरा जला नाय बाय। अखबार वाले गलत निकारे रहिन। प्रधान सुरजादेवी बताइन कि गेदहरा जलि गै बाय। हम अपने बेटवा का भेजे रहेन कहेन दवा करवावं अगर लापरवाही करिहैं तौ बहुत बुरा होये। बी.आर.सीअरूण कुमार बताइन कि हमका ई बात पता नाय रहा अगर ऐसन काण्ड हुवय ताहमका सूचित करै का चाही।