दहेज हत्या कै लगाइन आरोप

जिला अम्बेडकर नगर, ब्लाक अकबरपुर, गंाव हासिमगढ़ छितौनी। हिंआ 2 अक्टूबर 2014 कै एक इक्कीस साल के मेहरारू प्रेमलता कै मउत होइगा। मैके पक्ष वालेन कै आरोप बाय कि दहेज खातिर जहर खिलाए के मार डारे हइन।
प्रेमलता कै ननद सोनतारा, जेठ भूल्लूराम, पति अरविन्द बताइन कि केहू घरे नाय रहा। जेठ-जेठानी बाजार गै रहिन पति दुकान अउर ननद दवाई करावै गै रहिन। अरविन्द जब षाम के 6 बजे घरे आईन तौ देखिन मुंह से फेचकुर आवत रहा। जिला अस्पताल अकबरपुर लइके जात समय रास्ता मा मउत होई गै।
मैके पक्ष कै पे्रमलता कै जीजा सूर्यभान, महतारी षान्ती देवी कै कहब बाय कि दहेज खातिर हमरे लड़की का जहर खिलाए के मार डारिन। कुसमा बराइमपुर गंाव फेकू कनौजिया कै बिटिया पे्रमलता कै षादी 15 जून 2014 कै हासिमगढ़ छितौनी गंाव के हदयराम के बेटवा अरविन्द के साथे भै रहा। षादी के बाद एक हफ्ता खातिर मैके मा भेजे रहिन फिर दुबारा लइके गइन तौ मैके भेजिन नाय। जब फेकू आनै खातिर गइन तौ भेजत नाय रहिन। मरे के बाद गंाव कै मनई फोन कइके सूचना दिहिन। ससुराल पक्ष कै मनई धमकी देत हईन कि केस न कराया नाहीं तौ फंस जाबा। दहेज कै मंाग पूरा न होय के कारण हमरे लड़की का जहर दइके मार डारिन।
अकबरपुर थाना कोतवाली कै दीवान यावरअली बताइन कि पति अरविन्द अउर जेठ सत्रुघन के खिलाफ 427/14 धारा 498 अ, 304ब आई.पी.सी.व 3/4 दहेज अधिनियम कै धारा लाग बाय।