दहेज के कारन तलाक को मुकदमा

जिला महोबा, ब्लाक जैतपुर, कस्बा बेलाताल खदियां मोहल्ला। एते की सरोज की शादी 23 नवम्बर 2010 में झांसी मे दशरथ के साथे भई हती। ससुराल वाले नौकरी करत हे, जीसे दहेज के लाने मारपीट करत हते। तीन साल से मुकदमा चलत हे, पे आज तक ब्यान नई भये हे।
सरोज के बाप शिवलाल ने बताओ कि मेने शादी में 51 हजार रूपइया नगद ओर दहेज दओ हतो। सरोज को ससुर रेलवेे विभाग मे नौकरी करत हे ओर आदमी दशरथ बिजली की ठेकेदारी करत हे। में गरीब मजदूर आदमी परिवार पालत हों।
सरोज ने बताओ कि ससुराल वाले दहेज में मोटर साइकिल ओर सोने की चेन मांगत हते, नई दओ तो मारपीट करत हते। मे बीमार हो गई हती तो मोये मायके मे छोड़ गये। मोओ सब जेवर छुड़ा लओ हे। अब कहत हे हमाई मांगे पूरी करो नई मे तोये न राखहों। ओर तलाक को मुकदमा लगाये हे। तारीख में भी नई आउत हे। हमाओ वकील राजेन्द्र कुमार सुल्लेरे हे। जोन कछू नई करत हे हर दइयां हमाओ दोनऊ जने को पांच सौ रूपइया किराया ओर वकील को खर्चा लगत हे।
वकील राजेन्द्र कुमार सुल्लेरे ने बताओ कि ई दइयां ब्यान चलत हे। ई दइयां ऊखी तबियत खराब चलत हे जीसे नई आओ हे। अब जल्दी ही केश को निपटरा कराओ जेहे।