दहेज के कारण मारत पति

जिला फैजाबाद, ब्लाक तारुन, गांव हरिनाथपुर। हिंआ के साधना मिश्रा कै पति वीरेन्द्र आये दिन मोटर साइकिल न मिलै के कारण मारत पीटाथिन। जेसे साधना थाना मा रिपोर्ट लिखाइन।
साधना मिश्रा बताइन कि 28 नवम्बर 2013 का हमार षादी भै रही। दुई बार ससुराल कूरी पुरुषोत्तमपुर गयन तौ कुछ नाय कहिन। तिसरी बार बिना कारण बताये मारै लागिन। जेठानी मनीषा, जेठ सुरेन्द्र, पति वीरेन्द्र हमेषा आये दिन बिन कारण बताये माराथिन। जेठ अउर हमार पति दिल्ली मा रहाथे। जेठान मनीषा नागपच्चमी के पहिले दिवाल मा लड़ाय दिये रहिन। सब चूड़ी टूटके हाथ मा धंस गै जेसे काला निषान अबहीं तक बना बाय। हमार उमर बीस साल बाय जबकि हमरे पति कै तीस साल लकिन वकरे ताई हम कुछ नाय कहेन। लकिन अब हम उनके हिंआ न जाब।
साधना कै पिता षीतला प्रसाद मिश्रा बताइन कि कूरी पुरुषोत्तम पुर मा अपने बिटिया कै षादी करे हई। जबसे शादी करिन तबसे गाड़ी मांगत अहैं। जबकि खिचड़ी कै खवाई अंगूठी दियत रहेन लकिन खिचड़ी नाय खाइन। अब हमरे बिटिया का गाड़ी की ताई माराथिन।
थाना के दीवान इन्द्रजीत से साधना बताइन कि अब हम हंुआ जाब न। यतना हमैं माराथिन हम सहि न पाउब। दीवान कहिन कि दुइनौ पक्ष का बुलायके समझौता कराय जाये न मनिहैं तौ महिला थाना से विवेचना चले।