ममता मालती देवी, लालबती देवी अउर रामपरी देवी
जिला शिवहर के सदर अस्पताल के ममता सब के लगभग पांच महिना से मानदेय न मिल रहल हई।
ममता मालती देवी, लालबती देवी अउर रामपरी देवी कहलथिन कि हम सब एतना मेहनत करई छी। लेकिन हमरा सब के मिलई छई कथी? हम सब नौ गो ममता छी। एगो प्रसव पर सौ रूपईया मिलई छई। ओही में सब के बाटें परई छई। दस से ग्यारह रूपईया होई छई। एक दिन में दु गो से चार गो प्रसव होई छई। एही में केतना कमाई होई छई जे लोग के पेट भरतई? ओहु में पांच महिना से लोग के रूपईया न मिल रहल हई।
सदर अस्पताल के स्वास्थ्य प्रबंधक सुधीर कुमार कहलथिन कि छौ महिना से उनकर सबला रूपईया न अबई छई। हम प्रक्रिया में लगल छी कि मार्च से पहिले उनका सब के रूपईया मिल जाये।