दंगल में प्रत्याशी भी विपक्षी को पटकने की ताक में देखिए चित्रकूट से दंगल स्टोरी

15  नवम्बर का चित्रकूट जिला के ब्लाक मानिकपुर के हनुंवा गांव मा का आयोजन सांसद भैरों प्रसाद मिश्र कराइन रहैं। या दंगल मा पहलवान बस एक दुसरे का नहीं पटके चाहत आहीं बल्कि उम्मीदवार भी आपन विपक्षी का पटके के ताक मा हवैं। दंगल का उद्घाटन उप मुख्यमंत्री दिनेश शर्मा करिन हवै। दंगल मा आसपास जिला  के एक सौ बीस पहलवान भाग लिहिन हवैं। सांसद भैरों प्रसाद का कहब हवै कि या राष्ट्रीय दंगल के शुरुआत बहुतै पहिले कीन गें रहै मोर बाप पहलवान रहा हवै। यहै कारन उनकर याद मा मैं दंगल करावत हौं।
पहलवान अर्जुन बताइस कि बहुतै जघा जीते के बाद हिंया आये हौं अउर हिंया भी जीते हौं। जेहिमा मोहिका पांच सौ रुपिया मिले हवै। कौशम्बी से आवा पहलवान संतोष बताइस कि पांच साल से पहलवानी करत हौ। नेपाल, बिहार, हिंमाचल प्रदेश सगले पहलवानी करे गये हौं। आपन महतारी बाप के आशीर्वाद से कुश्ती लड़त हौं। सौ कुश्ती लड़े मा संतानबे कुश्ती जीतत हौं।
बांदा का पहलवान इजराइल बताइस कि जीते मा सबै का खुशी होत हवै हार जीत तौ होतेन रहत हवै।
दंगल देखे आवा शिवबोध सिंह बताइस कि चार पांच साल से मैं हिंया दंगल देखे आवत हौं। रामप्यारी बताइस कि मैं हर साल दंगल देखे आवत हौं नेता भैरो प्रसाद हमें बोलवत हवै। मनोज का कहब हवै कि बीस पच्चीस साल से हिंया दंगल होत आय।
भाजपा पार्टी के उपमुख्यमंत्री दिनेश शर्मा का कहब हवै कि हमार पार्टी का महौल बहुतै नींक हवै जनता विकास चाहत हवै। दंगल मा भाषण करब आचार संहिता के नियम तोड़ब न होय काहे से या दंगल भैरोप्रसाद के दादा परदादा मनावत रहै।
तौ तुम्हें का लागत हवै कि या भीड़ चुनावी दंगल के कारन आय, या दंगल चुनावी प्रचार करै का बहाना आय?

बाईलाइन-मीरा जाटव और मीरा देवी

Published on Nov 16, 2017