कहा जात हवै कि पढ़ाई के साथै खेलकूद भी जरूरी हवैं। जेहिमा बच्चन के शरीर अउर दिमाक दूनौ मजबूत होत हवैं।यहै कारन स्कूलन का खेल प्रतियोगिता होत हवै। चित्रकूट जिला के बरगढ़ मा 15 नवम्बर अउर बांदा जिला के नरैनी विवेकानंद इंटर कालेज मा 17 अउर 18 नवम्बर का दुइ के ब्लाक स्तर मा रैली भे हवै। खेल प्रभारी शशिकांत पाल का कहब है कि पचास स्कूल के बच्चा भाग लिहिन हवैं। रैली करावैं से बच्चन का शरीरिक अउर मानसिक विकास होत हवै।
चित्रकूट जिला , बोझ गांव के आदर्श विधालय मा पढ़े वाली राखी बताइस कि सौ मीटर अउर दुइ सौ मीटर दउड़ मा मोर दूसर स्थान आवा हवै तीन साल से खेलत हौं।
मऊ,बांदा अउर कर्वी मा भी भाग लीने हौं मऊ मा मैं पहिला नम्बर आई रहिव अउर चैम्पियन बनीहौं बांदा मा तीसरे नम्बर मा अउर कर्वी मा दूसरे नम्बर मा रहिहौं।
बांदा के कालिंजर के पूर्व माध्यमिक विधालय के रोशनी देवी बताइस कि पूर्व माध्यमिक विधालय से खेलत शुरू कइके स्टेज तक खेले गई हौं। हेंया तक पहुचै खातिर बहुतै मेहनत करै का पड़ी है। नीलम बताइस कि पहिले ब्लाक मा फेर जिला मा खेले हौं इनाम मा थाली अउर सील्ड मिली हवै।खेले से प्रतिभा जागत है मोर महतारी बाप खेल से खुश होत हैं अउर आगे खेले का कहत हैं।
हेडमास्टर प्रताप नारायण सिंह का कहब है कि मोर सपना है कि बच्चा अंतर्राष्ट्रीय खेल मा भाग लें।
बाईलाइन-सुनीता देवी गीता देवी
Published on Nov 21, 2017
