तीन साल से देखईत राह

वृद्धा तेतरी देवी

जिला शिवहर, प्रखण्ड तरियानी, पंचायत बेलहिया, गांव बैद्यनाथपुर, वार्ड नम्बर ग्यारह। इहां तेतरी देवी के पति धना राय के मरला तीन साल भे गेलई लेकिन अभी तक इनका कोनो पेंसन न मिल रहल हई। जबकि उनकर पहचान-पत्र पर चैसठ साल हई।
उ कहलथिन कि हमर पति बिमारी के कारण तीन साल पहिले मर गेलथिन। लेकिन अभी तक हमरा विधवा चाहे वृद्धा पेंसन न मिल रहल हई। हम आग तपईत रही त ओही में गिर गेली त हाथ, पैर दुनु जल गेल। जेई कारण हम हाथ, पैर से विकलांग भी भेगेली। अब त आंखो से कम दिखाई देईय। पेंसनो मिलईत त इलाज करईती। दु गो बेटा हय। परिवार केहनो चलबईले। हम कहां से रूपईया लाउ से इलाज करू।
मुखिया उपेन्द्र साह कहलथिन कि पंचायत में आवेदन देले होईथिन। त प्रखण्ड में जमा कयल जतई।
प्रखण्ड विकास पदाधिकारी संजय कुमार सिंह कहलथिन कि देखे के होतई कि उनकर आवेदन जमा हई कि न। यदि जमा होतई त उनका पेंसन देल जतई।