17 अक्टूबर 2017 को प्रकाशित
जिला बांदा। हेंया हरदौली रोड मा कांशीराम कलोनी बनी हैं जेहिमा दुइ ट्यूबवेल नम्बर एक अउर नम्बर दुई लाग है। नम्बर एक ट्यूबवेल से ज्यादा पानी नहीं निकलत आय।नम्बर दुइ ट्यूबवेल तीन महीना से ख़राब पड़ा है।मड़ई कइयौ दरकी शासन प्रशासन से कहिन है पै सुनवाई न होय मा डी-एम के लगे गे हैं।
डाक्टर उस्मान अली का कहब है कि दुइ नंबर का ट्यूबवेल चार-पांच महीना से ख़राब पड़ा है।एक नंबर वाले ट्यूबवेल से ज्यादा पानी नहीं निकलत जेहिसे सब मड़इन का पानी नहीं मिल पावत आय।
सुमन समेत कइयौ मेहरिया बताइन कि तीन महीना से हम पानी की समस्या से परेशान हन।हाथ जोड़ के अधिकारी से कहित हन कि हमार समस्या खतम करै नल विभाग वाले कहत हैं कि त्यौहार के बाद ट्यूबवेल बनावा जई अबै काम चलावै खातिर पाइप डाल दिहिन हैं।
जल निगम विभाग के राम निवास का कहना है कि ख़राब ट्यूबवेल मा छोटा पम्प डाल दीन गा है जेहिसे पानी के समस्या खतम होइ सकै।
बाईलाइन-गीता देवी
