जिला फैजाबाद, ब्लाक तारुन, गांव मैकू का पुरवा। हिंआ धर्मेन्द्र कुमार, रामसूरत निषाद जून महिना मा एक लड़की भगावै के आरोप मा तारून थाना कै पुलिस गिरफ्तार कइके 11 अगस्त 2015 का जेल भेज दिहिस।
तारून ब्लाक कै लड़की कै पिता कै कहब बाय कि हम पहिले अपने नात रिस्तेदारी मा हेरन जब हमरे बिटिया कै कहुं पता नाय चला। तब हम तारुन थाना मा तहरीर दिहन तौ पता चला कि थाना पूराकलन्दर, गांव फुलवरिया कै धर्मेंद्र कुमार के साथे तारुन ब्लाक कै रामसूरत निषाद मिलके हमरे बिटिया का अगवा करे रहिन। जब हम उनके दुइनौ जने के नामजद रिपोर्ट लिखवायन तब हमरे बिटिया का एक हफ्ता के भीतर लाय के बरामद किहिन।
तारुन थाना कै एस.ओ. के.के. गुप्ता बताइन कि धर्मेन्द्र कुमार अउर रामसूरत निषाद का गिरफ्तार कै लीन गै बाय। उनके ऊपर धारा 366 (अपहरण), 376 (बलात्कार) व पाक्सो एक्ट मा चलान कै दीन गै बाय लड़की का मेडिकल जांच खातिर भेज दीन गै बाय।