डाक्टर के लापरवाही कै लगाइन आरोप

जिला फैजाबाद, ब्लाक बीकापुर, गांव मलेथू कनक। 29 दिसम्बर 2014 का सामुदायिक स्वास्थ्य केन्द्र पै षाम मा प्रसव करावै आई मेहरारू बबिता कै प्रसव के बाद अचानक मउत होइगै। डाक्टर खून कै कमी बताय के जिला अस्पताल करे रहिन रिफर।
तेइस साल के बबिता कै पति त्रियुग नारायण कै आरोप बाय कि सोमवार का छह बजे षाम के प्रसव पीड़ा हुवय पै बीकापुुर सी.एच.सी. लाय गा रहा। जहां संबिदा पै तैनात स्टाक नर्स हाबिल सामान्य प्रसव कराइन। स्वस्थ्य बच्चा पैदा भै। लगभग आठ बजे अचानक बबिता कै तबियत खराब हुवय लाग तौ खून कै कमी बताय के जिला अस्पताल रेफर कै दिहिन। अस्पताल लै जात समय रास्ता मा मउत होइगै। बबिता के पति कै आरोप बाय कि अगर पहिले खून कै कमी बताये होते तौ हम जिला अस्पताल लै गा होइत।
सामुदायिक स्वास्थ्य केन्द्र कै अधीक्षक डाक्टर फिरोज अहमद बताइन कि बबिता कै हालत खराब हुवय के कारण जिला अस्पताल रिफर कै दीन गा रहा। रास्ता मा उनकै मउत होइगै। षिषु कै हालत ठीक बाय।