ट्रांसफाॅर्मर
जिला सीतामढ़ी, प्रखण्ड रीगा, पंचायत सिरौली प्रथम, गांव जयनगर। उहां लगभग पचास लोग के घर में वी.पी.एल. के तहत नौ महिना पहिले मीटर, बोर्ड, तार सेट होलई मगर ट्रांसफाॅर्मर न रहे के कारण उहां बिजली न मिल रहल हई। जेई कारण लोग परेशान छथिन।
गांव के लोग राजेश सिंह, उमेष सिंह, सुबोध सिंह लगभग बीस लोग कहलथिन कि ऐई गांव में कहियो से बि जली न रहई। अब नौ महिना पहिले हमरा सब के घर में बी.पी.एल. के तहत बिजली के लेल मीटर, बोर्ड, तार अउर गांव में पोल भी लाग गेल। मगर आज तक बिजली न मिल रहल हई। सोह के लेल सब लागल हई। जब से बिजली विभाग के लोग इहां तार, मीटर, बोर्ड, पाईप लगा के गेलथिन तब से एक बार गांव में न अलथिन। ट्रांसफाॅर्मर लगावे के लेल पोल भी हलल हई। मगर आज तक ट्रांसफाॅर्मर न लगलई। बिजली के बिना मोबाईल चार्ज, पंखा, टी.वी., बच्चा के पढ़ाई में बहुत दिक्कत हो रहल हई।
म्ुखिया पवन कुमार कहलथिन कि हम कोषिष कर रहल छी कि जल्दी गांव में बिजली आवे।
बिजली विभाग के अशिस्टेन्ट भाग्यनारायण बैठा कहलथिन कि गांव के लोग सब बैरगीनिया बिजली विभाग में आवेदन जमा करे परतई। तब उहां बिजली चालू कयल जतई।