जड़-जड़ भवन में पढ़ईत बच्चा
जिला सीतामढ़ी, प्रखण्ड बथनाहा, गांव कोआरी। इहां आंगनवाड़ी केन्द्र संख्या एकसठ के भवन बनल हई। जे अब बहुत जड़-जड़ हो गेल हई। उ भवन बच्चा के लेल खतरा के घर हई।
इहां के रेणु देवी, विनीता देवी, रामरती देवी सब कहलथिन कि हमर सब के छोट-छोट बच्चा पढ़े अबईय। अगर कुछो हो जायत त एकर जिम्मेवार कोन होयत। सेविका पुनम देवी कहलथिन कि इ समस्या के लेल प्रखण्ड में दुबारा आवेदन देले छी। लेकिन कहां कोई सुनवाई भेलक।
प्रखण्ड विकास पदाधिकारी वसंत कुमार सिंह कहलथिन कि हमरा अभी इ बात के जानकारी न हई कि हमरा फण्ड से आंगनवाड़ी केन्द्र के मरम्मति होतई।
जिला समाज कल्याण पदाधिकारी बाला कान्त पाठक कहलथिन कि विभाग से त कोई वजट न हई। लेकिन प्रखण्ड विकास पदाधिकारी प्रखण्ड या पंचायत के फण्ड से नया या भवन केे मरम्मत करवा सकई छथिन।