जिला फैजाबाद, ब्लक मया, गांव टन्डौली मा टीकाकरण तौ हुआ थै लकिन सिर्फ खाना पूर्ति के ताई। मनईन का सही से पोषाहार नाय मिल पावत बाय।23 नवम्बर का जब ऐ एन एम जांच करिन तौ एक गर्भवती मा हाईरिस्क हीमोग्लोबिन कै कमी पाई गए। अउर एक गेदहरा कुपोषित मिला। उनका जिला अस्पताल मा दवा लियै कै सलाह दीन गए बाय।
गर्भवती मेहरारू अनीता कै कहब बाय की आयरन कै गोली नाय मिली बाय। अबकी दूसरी ब़ार टीका लाग।गेद्हरा कै मा मीना कै कहब बाय की सिर्फ टीका लागा थै।
ऐ एन एम शारदा देवी कै कहब बाय कि जवन टीका लगावत हई ऊ बी सी जी कै टीका आय जवन की टी बी रोग के ताई बाय। ई क्षय रोग से बचावाथै।
आंगनबाड़ी कार्यकर्ता सविता सिंह कै कहब बाय की हमरे सबके पास पैसा नाय बाय। प्रधान सारा पैसा लै लहे बाटे। गर्भवती खाना खाय आवै से मना कै दिहिन तौ खाना के बदले डबल फल दीन जात रहा।31 अक्टूबर से 17 नवम्बर तक दीन गा वक्रे बाद पैसा न हुवय के कारण बंद बाय। कुपोषण से लड़े के ताई येहि समय कउनौ पोषाहार नाय दीन जात बाय।
रिपोर्टर- संगीता और आरती
