जिला झांसी, मोहल्ला शास्त्री नगर इतनो बड़ो शहर होबे के बाद भी इते के शास्त्री नगर मोहल्ला में इतने नीचे तार लटक रए। जीसे सबको परेशानी होत बच्चन को जानवरन को सबको परेशानी हे। और बड़ी घटना घट्बे को भी डर हे।
कलावती ने बताई के जे तारन से सबको परेशानी हे। आदमियन को और जानवरन को भी अगर कोनऊ गाडी निकरती तो उनमे भी तार बिद जात और करेन्ट भी लग जात।
राम भगवत ने बताई के हमेशा दिक्कत और खतरा रत। केऊ बार तार में तार छुब जात तो डोरी फाल्ट हो जात तो आग भी लग जात। और जानवरन को भी परेशानी भी होत। सब से कई लेकिन सब कोऊ आश्वाशन दे देत लेकिन कोऊ नइ सुनत। शिकायत भी करी लेकिन कोनऊ कारवाही नइ होत।
अभिषेक ने बताई के बरसात में ज्यादा परेशानी होत सबको जानवरन को और आदमियन को भी। न हम ओरे खेल पात बोल लग जात तो करेंट को डर रत। और जा समस्या भोत दिनन से हे न कोनऊ सुनवाई होत न कछू केऊ बार शिकायत भी करी। लेकिन कछू सुनवाई नइ होत।
बी के चौधरी प्रधान ने बताई के जा तारन की समस्या पुरानी हे भोत दिनन से चल रयी। लेकिन अब काम चालू हो गओ। और अबे हम एक सौ अस्सी पोल लगा चुके। और ट्रांसफर लाइन सब लगाये जा रए और पंद्रह बीस दिन में सब सप्लाई चालू हो जेहे। फिर कोनऊ परेशानी नइ हो हे।
रिपोर्टर- सफीना और सोनी
06/01/2017 को प्रकाशित
