जिला बांदा, ब्लाक तिंदवारी, गांव पलरा। हेंया के लगभग पचास मजदूर जून के महीना मा खंती खोदे का काम करिन रहै तीन महीना होय के बादौ मड़इन का आपन मजदूरी नहीं मिली आय।
कल्लू बताइस कि काम करे तीन महीना होइगें पै हमार मजदूरी अबै तक नहीं मिली आय। रामप्रसाद बताइस कि मजदूरी का रुपिया जांब कार्ड मा चढ़ावा जात है। मजदूरी न मिले से बच्चन के पढ़ाई अउर खाना मा बहुतै परेशानी होत है। समय से मजदूरी मिल जात तौ सात आठ हजार का कर्जा न होत। रन्नो अउर जगदीश बताइन कि हमार जांब कार्ड प्रधान रखे है या दरकी के काम के मजदूरी नहीं मिली आय। ग्राम रोजगार सेवक गुड्डू पटेल का कहब है कि केंद्र सरकार से रुपिया नहीं आवा आय यहै कारन मड़इन का मजदूरी नहीं मिली आय।
मनरेगा सेल बाबु प्रमोद कुमार का कहब है कि केंद्र से मजदूरी रोक दीन गें है कुछ रुपिया आ गा है।
बाईलाइन-शिवदेवी
22/11/2017 को प्रकाशित
