जिला में होलई हस्ताक्षर अभियान

जिला सीतामढ़ी, प्रखण्ड डुमरा के नेहरू भवन में 22 अप्रैल 2014 के हस्ताक्षर अभियान मनायल गेलई। कार्यक्रम के उद्घाटन डी.एम. डॉक्टर प्रतिमा वर्मा जिला कार्यक्रम पदाधिकारी कलथिन। एई मौका पर डी.डी.सी. मनोज कुमार, सदर एस.डी.ओ. महेन्द्र कुमार समेत अन्य अधिकारी अउर हजारों के संख्या में महिला अउर पुरूष वोटर मैजूद रहलथिन। जेईमें नुक्कड़ नाटक, झिझिया डांस एवं गाना से लोग के मतदान के लेल प्रेरित कयल गेलई।
वोटर के वोट के प्रति जागरूक करे के लेल स्वीप कोषांग के तरफ से इ कार्यक्रम कयल गेलई। वोट के प्रतिशत बढ़ावे के लेल वोटर के एक वोट के कीमत के जानकारी देल गेलई। नोटा बटन के बारे में भी बतायल गेलई अउर ऐई हस्ताक्षर अभियान के दौरान अधिकारी अउर वोटर से हस्ताक्षर कर के शपथ देल गेलई। डॉक्टर प्रतिमा कहलथिन कि आहा सब निश्चिंत  होके वोट गिरा सकई छी। लोकतंत्र के मजबूती के लेल एक-एक मत के बहुत ही बड़ा महत्व हई अउर एई कार्यक्रम में महिला के भागीदारी पुरूष से ज्यादा हई। डी.डी.सी. मनोज कुमार सिंह कहलथिन कि पिछले चुनाव में 43 प्रतिशत वोट गिरल रहई। इ बेर मौका हाथ से न जाये के चाही। अगर इ बेर के मौका हाथ से चल जायत त पांच साल बाद ही मौका आयेत।