जान की बाज़ी लगाकर चलना पड़ता है सड़क पर

जिला चित्रकूट,ब्लाक मानिकपुर, गांव भौंरी से राजापुर का जाये वाली सड़क लगभग तीन साल से खराब हवै। सड़क बनवावैं खातिर सांसद से लइकेे विधायक से कहा गा, पै कउनौ ध्यान नहीं दीन गा हवै। वा सड़क से रोज के हजारन साधन अउर यात्री निकरत हवैं।
हेमराज का कहब हवै कि सड़क खराब होय के कारन आवै जाये मा एक घंटा के जगह दुइ घंटा लाग जात हवै।
ननकी प्रसाद का कहब हवै कि या सड़क पंद्रह साल पहिले बनीं रहै। सड़क मा गढ़वा होय के कारन टैंपो से आवै मा सामान टूट जात हवै। यहिसे हमार नुकसान होइ जात हवै। आपन जान हथेली मा लइके अइत जइत हन। हिंया डी.एम. मोनिका रानी आई रहैं,पै वा भी सड़क बनवावैं के सुध नहीं लिहिन।
भौंरी सांसद कार्यालय प्रभारी शशि मिश्रा का कहब हवै कि सांसद भैरौं प्रसाद मिश्रा भौंरी से हरदौली गांव तक सड़क बनवावैं खातिर लखनऊ मा लगभग तीन महीना पहिल लिखित दीने रहैं। बजट आ जई तौ सड़क बनीं।