जिला चित्रकूट, ब्लाक पहाड़ी, गांव सरधुवा 9 दिसम्बर का जमीनी विवाद के कारन अब्दुल रसीद वीरू सिंह का फांसी लगा के मार डारिस हवै। या घटना के बारे मा राजापुर पुलिस का कहब हवै कि आरोपी का पकड़ के जेल भेज दीन गा हवै।
वीरू का छोट भाई मंकी सिंह बताइस कि मै आपन भाभी का लिवावै सतना गये रहे हौ। जबै हुंवा से आयेव, तौ देखौ शटर खुला हवै अउर अब्दुल हुंवा बइठ रहै।
भाई मरा पड़ा रहै। तबै मैं दादा अउर अपने भाईन का फोन कइके बोलाय हौ। तबै सब कोउ आ गें तौ पुलिस का फोन कइके बोलावा गा। पुलिस मौके मा अब्दुल का पकड़ लइ गे हवै।
बड़ी अम्मा सुशीला सिंह बताइस कि दुकान के कारन अब्दुल वीरू का जान से मारिस हवै।
राजापुर थाना के मुंशी राजू विमल बताइस कि तीन मडइन के खिलाफ धारा 452/302 के तहत मुकदमा दर्ज कइलींन गा हवै, जेहिमा अब्दुल रसीद पकड़ गा हवै।
रिपोर्टर- सहोद्रा
Published on Jan 2, 2017
