जर्जर तार दे रहे हैं मौत की दावत

जिला बांदा, ब्लाक तिन्द्वारी, गांव विछवाही।हेंया आय दिन बिजली करेन्ट लागै से जानवरन के मउत होइ जात है।पै बिजली विभाग वाले कउनौ ध्यान नहीं देत आहीं।विछवाही गांव का रामकिशोर का कहब है कि वहिकर भइंस छुट गे रहै तौ बिजली के खम्भा पास पहुंच गे हुंवा टूट तार लटकत रहै।जउन भइंस के ऊपर गिर गा तौ भइंस तुरैंत मर गें हम इलाज खातिर भी डाक्टर के लगे लइ गयेन पै नहीं बची।यहिनतान पड़ोसी का बछवा भी करेन्ट लागै से मर गा हैं
शिवकान्त दिक्षित का कहब है कि हमरे गांव मा कम से कम पच्चीस साल  होइ गें आज तक बिजली के तार नहीं  बदलें गें आही।जून के महीना से तार टूट है पै प्रशासन कुछौ ध्यान नहीं देत आय।या से गांव के मड़ई चाहत है जल्दी तार बदले जायें।
बिजली विभाग के जेई संतोष कुमार का कहब है कि हुंआ के बिजली समस्या जल्दी से खतम  कइ दीन जई।देखै का हवै कि प्रशासन कब तक बिजली के तार ठीक करवाई।या यहिनतान जानवर मरत रहिहै का?

बाईलाइन-शिवदेवी

04/09/2017 को प्रकाशित