जिला फैजाबाद, ब्लाक तारुन, गंाव तकमीनगंज। हिंआ के एक मेहरारू शीला देवी कै आरोप बाय कि दुई महीना पहिले इनकै बड़े पापा रामप्रताप निषाद इनकै 277 ईयर जमीन लिखाय दिहिन। अउर इनके पापा का कुछ खिलाय दिहिन। जेसे 17 अगस्त का शाम 5 बजे उनकै मउत होइगै।
शीला देवी बताइन कि हम अपने महतारी बाप कै इकलौती संतान हई। महतारी पहिले खतम होय गै रहिन। हमार ससुराल गोशाईगंज थाना के अंकारी पुर मा बाय। हमार पिताजी दिल्ली विकास प्राधीकरण मा चतुर्थ श्रेणी कै कर्मचारी रहे। दुई महीना पहिले 277 ईयर जमीन सेवा के बदले मा बड़ा पापा रामप्रताप लिखाय लिहिन। जब हम अपने मायका मा पापा से मिलै आई तौ मिलै नाय दियत रहिन। 17 अगस्त का कुछ खिलाय दिहिन। शाम 5 बजे उनकै मउत होइगै। तबौ हमैं सूचना नाय दिहिन। पुलिस का सूचना दीनगै बाय
थानाध्यक्ष के.के गुप्ता बताइन कि मामला हमरे जानकारी मा नाय बाय। अगर थाना पै आवाथिन तौ सिकरेटीª, प्रधान के मदद से उनका न्याय दिलवाय जाये।