जिला अम्बेडकर नगर, ब्लाक कटेहरी, तहसील भीटी गांव रामपुर नोनसिला। हिंआ 4 जनवरी 2013 समय 4 बजकर पैतालिस मिनट पै गौशाला मा मिटटी कै तेल छिडक के आगि लगाइन। दुइ जानवर मरि गये। एक तड़पत बाय।
सन्तकुमार पाण्डेय बताइन कि ई जमीन हमार अउर राजाराम पाण्डेय दुइ जने मिलि के लिखवाये रहेन। हमार बत्तिस साल से कब्जा बाय। यही जमीन मा गौशाला बना रहा। स़ंतकुमार पाण्डेय, पिंकी पाण्डेय, अमन पाण्डेय बताइन जवने समय आगि लाग है कुछ दूर सब खेत मा रहेन देखेन है। एक्कै दांय मा पूरी मडई जरै लागि। चार जने राजाराम पाण्डेय, सभाजीत पाण्डेय, अभिलाष पाण्डेय, जगदीश पाण्डेय का भागत देखेन है। वनही गौशाला मा चारो तरफ से मिट्टी कै तेल डारि के जलाइन है। यनही चारो जने के नाम से रिपोर्ट करे हई। संजय पाण्डेय, संतकुमार पाण्डेय बताइन यनके सब पहिले से फूकै का कहत रहिन तबै हम एस ़डी ़एम डा0 महेन्द्र कुमार का सूचना दई दिहे रहेन। एस. डी ़एम ई सूचना महरूआ थाना का दै दिहिन। लकिन कउनौ सुनवाई नाय भै जरि के मरे जानवर कै पोस्टमार्टम होइगा।
महरूआ थाना कै थाना अध्यक्ष बृजनन्दन सिंह पत्रकार का यकरे बारे मा कुछ नाय बताइन। कहिन कि जवन खबर गांव से मिला बाय उहै लिख के छापि दिया।