विश्व महिला दिवस के दिन अम्बेडकरनगर की संगीता फांसी के फंदे से झूल रही थी

जिला अम्बेडकरनगर, गाँव शाहजहांपुर 8 मार्च का जब पूरा विश्व महिला के सम्मान के ताई महिला दिवस मनावत रहा तब अम्बेडकरनगर के शाहजहाँ पुर कै संगीता फांसी के फंदा से झूलत मिलिन।
मायके वाले कै आरोप बाय कि दहेज़ के कारन हत्या कीन गए बाय।हत्या के बाद से ससुराल वाले फरार अहैं।
मृतिका कै अम्मा चमेला कै कहब बाय की तीन साल पहिले बिटिया कै शादी करे रहेन।
दहेज़ मा हर सामान देहे रहेन।बेड, आलमारी, बक्शा, सीकड़ अउर गाड़ी जैसे हर सामान देहे रहेन। तबौ एक लाख कै मांग करत रहे।ममता मृतिका कै बड़ी बहन कै कहब बाय की जेठानियों के बारे मा बतावा करत रहिन। जब खतम भई तौ वकरे दुई तीन दिन पहले दवा खिलाय के बच्चा गिरवाय दिहिन। दुई तीन बार पहले भी बच्चा गिरवाये रहिन।जबकि वै बच्चा चाहत रहिन।
राजन शैनी मृतिका के भाई कै कहब बाय की उनके घर से फोन आय की तोहरे बिटिया कै हालत बहुत ख़राब बाय जब हुआ पहुचेन तौ वै खतम होय गए रहिन। उनके रूम मा इंजेक्शन, पाउच अउर एक अंगूठी मिली रही।वहिके डीएम अउर एस.एस.पी का देखायन।
कमल सिंह यादव टांडा सीओ कै कहब बाय तहरीर मिली बाय की दहेज़ के कारन हमरे बिटिया का मार दिहिन। पांच मनई का नामजद कीनगा बाय। मजिस्टेट के आदेश पै फार्मेंसिक एक्सपर्ट का बुलावा गा रहा। लाश का पोस्टमार्टम के ताई भेजागा रहा। विवेचना चलत बाय।

रिपोर्टर- मनीषा यादव

21/03/2017 को प्रकाशित