खबर लहरिया ताजा खबरें जगह-जगह बिगड़ा सरकारी ट्यूबवेल

जगह-जगह बिगड़ा सरकारी ट्यूबवेल

taza fainal 3जिला फैजाबाद अउर अम्बेडकरनगर। हिंआ सरकारी ट्यूबवेल बिगड़ै कै समस्या सालन से बनीं बाय। फसल कै सिंचाई समय समय पै नाय होय पावत। जेसे फसलन कै पैदावार मार जाथै।
कटेहरी ब्लाक के खेमापुर गांव कै किसान सुरेन्द्र कुमार सिंह, प्रिंस अउर अजय बताइन कि दुई सौ चैबिस एजी कै सरकारी ट्यूबवेल लगभग साल भर से बंद बाय। कभौ बिजली न रहे तौ कभौ मोटर जरि जाथै। जेसे प्राइवेट ट्यूबवेल कै सहारा लियै का पराथै।
तारून ब्लाक के पारागरीबषाह कै किसान राम आषीष, विनोद कै कहब बाय कि तीन साल से ट्यूबवेल कै बोरिंग फेल होय गै बाय। दुसरी जगह लगवावै कै मांग कीन जात बाय लकिन अबहीं तक लाग नाय। अब गन्ना बोवाई कै समय आय बाय। सरसों, आलू, मटर कै कटाई कइके सब गन्ना उड़द, भिण्डी बोवत बाय। जेहमा पानी कै बहुत जरूरत बाय। फैजाबाद नलकूप विभाग कै अधिषाषी अभियन्ता नेबूलाल बताइन कि वकै बोरिंग फेल होइगै बाय। अब वहिं दूसर न लाग पाये।
अम्बेडकरनगर जिला कै अधिषाषी अभियन्ता राकेष विहारीमल बताइन कि षासन से हर साल नलकूप मरम्मत के ताई उन्नीस हजार रूपया आवाथै। नाली, रंगाई, पोताई मोटर बदलै जैसे काम के ताई रहाथै। जवन कि कम बाय। षासन से चालिस हजार रूपया बजट बढ़ावै के ताई अप्लीेकेषन भेजा गै बाय।