प्रधानमंत्री आवास योजना के तहत सबका आवास दिये जाय कै दावा तौ कीन जात बाय, लेकिन फैजाबाद जिले के, ब्लॉक, बीकापुर, गाँव रामपुर परेई गाँव के इस हकीकत से मुंह नाय मोड़ा जाय सकत। अब यका मनइन कै बदनसीबी कहा जाय या फिर प्रशासन कै अनदेखी। कि आज गाँव मा एसेन मनई अहैं जेकरे पास रहै के ताई छत नाय बाय।
आशाराम यादव कै कहब बाय कि हमार समस्या इहै बाय कि हमै आवास नाय मिला दिक्कत ई बाय कि बारिश हुआथै पानी चुआथै दूसर बात घास फूस कै टटिया या दीवाल बनाय के रखे हई वहमा से कीड़ा मकोड़ा आवाथे इहै सब दिक्कत बाय। गर्मी कै मौसम तौ जैसे तैसे कट जाथै लकिन बरसात कै एक-एक पल भारी हुआ थै।
रामादेवी कै कहब बाय कि घर गिरिगा बाय जवन दुसरे के खेत से मेहनत मजदूरी कइके लाईथी चारव तरफ चुआथै कहाँ धरी। निशा कै कहब बाय कि छप्पर के घर मा बिजली नाय लाग बाय डर लागाथै कहूँ आगि न लागि जाए जेसे बिजली नाय लागुवायगा बाय। अगर छत हुवत तौ बिजली लागत।
श्रीपत बताइन कि तहसील मा डीएम का दरखास देहे हई।कहे अहैं अगले महीना मा सुनवाई होये।
दिवाकर भारती यादव परियोजना अधिकारी नगरीय विकास अभिकरण, फैज़ाबाद बताइन कि लाभार्थी ऑनलाइन आवेदन करै वकरे बाद सूची कै प्रिंट आउट निकाला जाथै नगरपालिका सम्बंधित सूची लगाय दीन जाथै तीन चार दिन लाग रहाथै अगर केहू का कउनौ आपत्ति हुवय तौ अप्लीकेशन दियय। अप्लीकेशन जे दियाथै वका इक्सेप्ट कइके वकै चयन कीन जाथै।कुछ मनई से शिकायत मिली बाय कि वै पात्र अहैं अउर उनका नाय मिला बाय तौ जाँच कराय जाये।
रिपोर्टर- कुमकुम यादव
