चुनाव प्रचार प्रसार की पकरी गईं साड़ी

चैथे चरन में होंये वाले चुनाव की तैयारी प्रत्यासी बोहतई जोर शोर से करत हते। जीसे 27 अक्टूबर खा प्रत्यासी के द्वारा मगांई गई साड़ी पकरी हे। सामान शील कर प्रत्यासी के साथे दो ओर साथियन के ऊपर मुकदमा लिख गओ हे।
गांव में मिली जानकारी के अनुसार मुढ़ारी सीट के प्रत्यासी प्रचार प्रसार में कोनऊ कसर नई छोड़ी हे। एते तक की प्रत्यासीयन ने आचार संहिता लागू होंय के बाद भी जनता खा प्रलोभन देय की ठानी हती। बताओ जात हे की 27 अक्टूबर खा एक गाड़ी यू.पी. 95 डी. 7988 साड़ी मगांई हती। जोन अरविन्द्र के घर में धरी हती। ईखी सूचना आदमियन ने फोन कर पुलिस खा बता दओ हतो। सूचना मिलतई डी.एम. वीरेश्वर सिंह, एस.पी. कुन्तल किशोर, सी.ओ. धनंजय कुशवाहा ओर एस.डी.एम मोहम्मद रिजावान मौके मे पोहोंच। कमरा में एक सैकड़ा से ज्यादा साड़ी ओर बाहर खड़ी गाड़ी पकरी हे। कमरा मालिक अरविन्द उर्फ मुन्नू न मिले पे पुलिस तालाश करत हे।
कुलपहाड़ कोतवाली को कोतवाल सतीश चन्द्र शुक्ला कहत हे की धारा 188 (आचार संहिता को उल्लंघन करना) 132 (जनप्रतिनिधी) के तहत तीन आदमियन के नाम मुकदमा लिख गओ हे।