जिला चित्रकूट। नगर पालिका के चुनाव के धूम चित्रकूट मा शुरू होइगें हवै।चित्रकूट मा सबसे पहिले सपा पार्टी टिकट बांटिस हवै।कर्वी से चेयरमैन पद खातिर नरेंद गुप्ता,राजापुर से पूर्व चेयरमैन लक्ष्मी प्रसाद वर्मा अउर मानिकपुर से सम्राट सिंह गौतम का टिकट मिला हवै।
कर्वी के प्रत्याशी नरेंद्र गुप्ता का कहब हवै कि दस रुपिया के बिजली चालिस रुपिया मा मिल जई तौ तीस रुपिया हमार होइहैं। या मुददा नगर पालिका मा चलत रहै।नगर पालिका का दुकान बना के चलावत रहै वा दुकान का बंद करे का हवैं अउर नगर का विकास करै का हवै।चुनावी समय मा झूठा वादा तौ तमाम मड़ई करिहैं। हम वादा नहीं,काम करै का इरादा राखित हवै।नगर का साफ़ सुन्दर अउर विकसित करै चाहत हौं।सबै व्यापारी एक एक कइके अखिलेश का वोट देहै भारतीय जनता पार्टी के नोट बन्दी जी एस टी अउर व्यापारिन के उत्पीड़न का जवाब दीन जई नगरपालिका का चुनाव लोकसभा का सेमीफाइनल आय।
राजापुर के प्रत्याशी,लक्ष्मी प्रसाद वर्मा का चाहत हौं कहब हवै कि दुइ साल काम करे हौं जउन बाकी हवै वहिका पूरा करिहौं।मानिकपुर के प्रत्याशी सम्राट सिंह गौतम का कहब हवै कि मैं राजनितिक परिवार से आहूं।मोर बाप सपा पार्टी के पुरान कार्यकर्ता रहैं। तिंदवारी से विधान सभा का चुनाव भी लड़िन हवै।यहै सोच का आगे बढ़ावै खातिर राष्ट्रीय अध्यक्ष मोहिका टिकट दिहिन हवै।मैं युवा सोच के साथ विकास का काम करिहौं।
चित्रकूट के रामप्रकाश गुप्ता का कहब हवै कि नरेन्द्र भाई चुनाव जीतिहैं एक बार पहिले चुनाव लड़िस रहै बारह सौ वोट से हार गा रहै। शंकर गुप्ता का कहब हवै कि कर्वी के पूर जनता नरेन्द्र भाई का पसन्द करत हवै।
बाईलाइन-मीरा जाटव और नाजनी रिजवी
01/11/2017 को प्रकाशित
