https://youtu.be/JJH9weRkltU
चित्रकूट जिला के ब्लाक मऊ के गांव कोपा मजरा मटियारा के दूनौ पति-पत्नी में आपस में विवाद हुआ अउर कुआं के लगे जाके पति का कुआं मा धक्का दइके खुद आत्महत्या कई लिहिस हवै।
एस.एस.आई मऊ कृपाशंकर मिश्रा का कहब हवै कि मटियारा गांव मा कल शाम 5 बजे सूचना मिली कि गांव के छोटेलाल पुत्र कामता अउर वहिके मेहरिया मिथलेश उर्फ़ मित्तल दूनौ के बीच आपस मा दिन के विवाद भा हवै, तौ दिन मा 2 बजे कुआं मा कूदके आत्महत्या कई लिहिन हवैं। नौ बजे रिपोर्ट दर्ज कराई गे हवै।
मृतिका की भतीजी गीता बताइस हवै कि सबै मड़ई गेहूं कतरे चले गे रहैं अउर हम बच्चा खेलत रहैं, तौ चाची लड़ाई मचावत रहैं। चाची का चाचा पकड़े गा हवै, तौ चाची धक्का दई दिहिस हवै अउर खुद कूद गे हवै।
मृतिका का भाई रामप्रसाद बताइस हवै कि बच्चा बतावत हवैं कि दुई बजे के या घटना आय। हम हुंवा खेत मा गेहूं कतरे गये रहन, पै लड़की या घटना का होत दिखिन हवैं। मृतिका का बाप चंदशेखर बताइस हवै कि हमार नातिन मोर लड़की का खाना दिहिस हवै। भूखी रहबै भे हवै, तौ वहिके बड़ी लड़की बहुते बुरी-बुरी गली देत रहै। जबै दामाद आये हवैं, तौ मोर लड़की दामाद के पांव पकड़ के रोवत रहै।
एस.एस.आई.मऊ का कहब हवै कि पंचनामा के कार्यवाही कइके पोस्टमार्टम का भेजा जात हवै। मइके कइती से लिखित तहरीर दर्ज हवै।
रिपोर्टर: सुनीता
Published on May 3, 2018
