यू पी की शान है आगरा -लखनऊ एक्सप्रेसवे चित्रकूट में काला धब्बा है बाँधी गाँव की सड़क

हिंया दस साल से सड़क नहीं बनी आय जेहिके कारन बहुतै परेशान हवैं। या समस्या जिला चित्रकूट, ब्लाक रामनगर, गांव बांधी के आय। शासन प्रशासन मा कइयौ दरकी दरखास दे के बादौ सड़क नहीं बनीं आय। रामनगर वीडीओ शेर बहादुर का कहब हवै कि सड़क अउर पुलिया जल्दी बनवा दीन जइहैं।
जूनून खान का कहब हवै कि हिंया के सड़क बहुतै खराब हवै जेहिसे आवे जायें मा बहुतै परेशानी होत हवै। पुलिया भी टूट पड़ी हवै जेहिसे बरसात मा सामान लइ के निकलें मा बहुतै परेशानी होत हवै। मुनीम का कहब हवै कि कुछौ सामान लइके जायें का होय तौ गाड़ी वाले कहत हवै कि मेन सड़क तक सामान लइके आओ काहे से हिंया रास्ता खाराब होए के कारन भीतर तक गाड़ी नहीं आ पावत आय। चुनकावन बताइस कि प्रधान से पचासन दरकी कहे हन पै प्रधान नहीं सुनत आय तौ हम का करी। सलामत अली का कहब हवै कि जानवरन का धंधा करित हवै तौ बरसात मा नाला पइरा के लइ जइत हवै।कइयौ दरकी प्रधान अउर सचिव से कहे हन पै सुनत नहीं आहीं। प्रधान प्रतिनिधी कृपा शंकर का कहब हवै कि जबै प्रशासन से रुपिया आ जई तबै काम होइ।
रिपोर्टर-सहोद्रा

Published on Dec 15, 2017