चित्रकूट जिले के पहाड़ी ब्लाक में दिन दहाड़े गोली मारकर हुई महिला की हत्या, आरोपी है फरार

19 फरवरी 2018 का चित्रकूट जिला, ब्लाक पहाड़ी के गांव सुरसेन गांव के एक मुसलमान मेहरिया के गोली मार के हत्या कई दीन गें हवै। हत्या वा समय भे हवै जबै वा मेहरिया छत मा ठाढ़ तिलक का उत्सव देखत रहै। हत्या करै वाला आरोपी अबै तक फरार हवै। पुलिस वहिका पकड़े मा लाग हवै। राजापुर सी.ओ. सुरेश प्रसाद शर्मा का कहब हवै कि तिलक होत रहै, तबै वा मेहरिया छत से देखत रहै, तौ दारा सिंह नाम का मड़ई हवाई फायर करिस तौ मेहरिया के गर्दन मा गोली लाग गें हवै। हिन्दू के गोली से मुसलमान के मउत होय से तनाव न होइ जायें, यहै कारन पी.ए.सी. के जवान लगाये गें हवैं।
मरै वाली मेहरिया का लड़का मोहम्मद अली हुसैन बताइस कि तिवारी के घर मा तिलक रहै तौ मोर महतारी देखत रहै, तबै एक मड़ई फायर कइ दिहिस तौ गोली लाग गे हवै।अबै आरोपी पकड़ा नहीं गा आय। प्रधानपति मनोज कुमार मिश्रा का कहब हवै कि मेहरिया के पोस्टमार्टम करावा गा हवै अउर जउन मदद होई तौ कीन जई।

रिपोर्टर- सहोद्रा

Published on Feb 23, 2018